9. மறுமொழி மட்டுறுத்தல் செய்வது எப்படி?

//மறுமொழி மட்டுறுத்தல் என்றால் என்ன எப்படி பண்னுவது//
யாராவது சொல்லிக் கொடுங்களேன் பிளீஸ்!
னு செந்தழலாரோட பதிவுல ஒருத்தர் கேட்டிருந்தார்.

அவருக்கு மட்டும் இல்லாம எல்லாருக்கும் பயன்படும் விதமா தனிப்பதிவா போடுறேன். இதுவும் ஒரு உருப்படியான "எப்படி" பதிவா இருக்கட்டும்.

முதலில் மறுமொழி மட்டுறுத்தல் (Comments Moderation) என்றால் என்ன?

மறுமொழி என்பது உங்கள் பதிவுகளுக்கு வரக்கூடிய பின்னூட்டங்கள். அதாவது Comments. மட்டுறுத்தல் செய்யப்படாத வலைப்பூக்களில்(Blogs) பின்னூட்டங்கள் உடனுடக்குடன் அந்தந்த பதிவுகளில் பிரசுரிக்கப்படும். அது வலைப்பதிவரின் கவனத்து வராமலேயே நடக்கும். இங்கு எவற்றை வைத்துக்கொள்ளலாம், எவற்றையெலாம் நீக்கலாம் என்பனவற்றை பிரசுரித்த பிறகுதான் முடிவு செய்ய முடியும். அதாவது தேவையற்ற பின்னூட்டங்களை பிரசுரித்துவிட்டு பின்னர் அழித்துவிடமுடியும்.

ஆனால் மறுமொழி மட்டுறுத்தல் என்பது பிரசுரிப்பதற்கு முன்பே எவற்றை பிரசுரிக்கலாம்(Publish) எவற்றை பிரசுரிக்க மறுக்கலாம்(Reject) என்று முடிவு செய்து பின்னர் செயல்படுத்தலாம். இதனால் தேவையற்ற பின்னூட்டங்களை பிரசுரத்திற்கு முன்பே வடிகட்டிவிடலாம்.


1.உங்களோட பிளாக்கர் அக்கவுண்ட்ல லாகின் பாண்ணுங்க!

2.நீங்கள் வைத்திருக்கும் பிளாக்குகளின் பட்டியல் டேஷ் போர்டில் வரிசையாக இருக்கும்.



3.அந்த பட்டியலில் பிளாக் பெயர், நியூ போஸ்ட், சேஞ்ச் செட்டிங்க்ஸ்னு மூணு பகுதி இருக்கும். பல் சக்கரம் மாதிரி இருக்கும் படமான சேஞ்ச் செட்டிங்க்ஸை கிளிக் பண்ணுங்க!



4.அதுல பேசிக்,பப்ளிஷிங்க்,ஃபார்மேட்டிங்க், கமெண்ட்ஸ்,ஆர்ச்சிவிங்க், சைட் ஃபீட், இமெயில், மெம்பர்ஸ்னு தலைப்புகள் இருக்கும். நீங்க கிளிக்க வேண்டியது "கமெண்ட்ஸ்" என்னும் தலைப்பை.



5.அதுல 9வது ஆப்ஷனா "எனேபிள் கமெண்ட் மாடரேஷன்?" என்ற கேள்வியோட "யெஸ்", "நோ" ன்னு ரெண்டு ஆப்ஷன் இருக்கும். "யெஸ்" என்ற ஆப்ஷனை தேர்ந்தெடுங்க. அதாவது அந்த வட்டத்துக்குள்ள புள்ளி வைக்கற மாதிரி மவுஸைக் கொண்டு போயி கிளிக் பண்ணுங்க.


6.அதுக்கு கீழே இமெயில் அட்ரஸை எழுத ஒரு டப்பா இருக்கும். நீங்க வருகிற கமெண்ட்ஸெல்லாம் உங்களுக்கு இமையில் மூலமும் தெரிஞ்சிக்கணும்னு விருப்பம் இருந்தா உங்க இமெயில் அட்ரஸை அதுல எழுதுங்க. இல்லாங்காட்டி சும்மா விடுங்க.



7.அப்புறம் கடைசியா இருக்குற "சேவ் செட்டிங்" என்ற பொத்தானை தட்டி விடுங்க. "செட்டிங்க்ஸ் வேர் சேவ்டு சக்ஸஸ்ஃபுல்லி" ன்னு ஒரு மெஸேஜ் வரும். அப்புறம் "ரீபப்ளிஷ்" எண்டைர் பிளாக்" என்ற பொத்தானை ஒரு முறை தட்டி விடுங்க. அவ்வளவுதான்.




இதுவரைக்கும் பார்த்தது மறுமொழி மட்டுறுத்தலுக்கான முன்னேற்பாடு (Enabling Comment Moderation Only) மட்டும்தான். வந்த பின்னூட்டங்களை எப்படி வடிகட்டி பிரசுரிப்பது அல்லது நிராகரிப்பது என்பதை அடுத்த பதிவில் பார்ப்போம். இதுவரை செய்துவிட்டு தமிழ்மணத்தில் பிளாக் பக்கத்தில் போய் பார்த்தால் மறுமொழி மட்டுறுத்தல் ஏர்பாட்டை அறிவிக்கன்னு ஒரு பதிவு இருக்கும். அங்கே போயி
மறக்காம உங்க வலைப்பூவோட சுட்டியை பின்னூட்டத்தில் போடுவதொட மறுமொழி மட்டுறுத்தல் ஏற்பாடு செய்தாயிற்றுன்னு சொல்லிடுங்க.